تاجیکستان به افغان‌ها: ۱۵ روز فرصت دارید کشور را ترک کنید!
دولت تاجیکستان به تازگی اقدام به بازداشت و اخراج اجباری مهاجران افغان کرده و به آنان مهلت ۱۵ روزه‌ای برای ترک این کشور داده است.
اخراج اجباری مهاجران افغان در حالی صورت می‌گیرد که بسیاری از این مهاجران دارای مدارک قانونی اقامت در تاجیکستان هستند.
بر اساس گزارش‌های منتشر شده، بیش از ۱۳ هزار شهروند افغان در حال حاضر در تاجیکستان زندگی می‌کنند و اکثر آنان در انتظار نهایی شدن پرونده‌های مهاجرتی خود به کشور کانادا هستند.
منابع محلی گزارش می‌دهند که در هفته گذشته، دولت تاجیکستان به طور روزانه ده‌ها نفر از مهاجران، عمدتاً مردان خانواده‌ها، را بدون اطلاع قبلی و آگاهی خانواده‌هایشان بازداشت کرده و به افغانستان بازگردانده است.
بیشتر این پناهجویان در شهرک وحدت و ناحیه رودکی شهر دوشنبه، پایتخت تاجیکستان، زندگی می‌کنند.
افغانستان یکی از کشورهای با بالاترین تعداد مهاجران و پناهجویان در سطح جهانی است.
بر اساس آمار کمیساریای عالی ملل متحد در امور پناهندگان، بیش از ۶ میلیون شهروند افغان در سراسر جهان پناهنده هستند که بیشتر آنان در ایران و پاکستان به سر می‌برند.
دیدگاه تان را بنویسید